Cebu City – Bilang bahagi ng patuloy na kampanya kontra ilegal na droga, matagumpay na inilunsad ng mga tauhan ng Cebu City Police Office ang programang “Bola Kontra Droga” sa Barangay Banilad, Cebu City, noong Lunes, Pebrero 20, 2023.
Ang aktibidad ay pinangunahan ni Police Colonel Ireneo Dalogdog, City Director ng Cebu City Police Office, na masugid na sinuportahan ng Pamahalaang Lungsod ng Cebu sa pamumuno ni Hon. Michael L Rama, City Mayor, maging mga tauhan ng Regional Medical Dental Unit (RMDU) 7, Regional Internal Affairs Service (RIAS) 7, National Intelligence Coordinating Agency (NICA) 7, Advocacy Support Group, Force Multipliers, Barangay Officials, Teachers, at ng nasa 100 Senior High School na mag-aaral ng Banilad National High School.
Ayon kay Police Colonel Dalogdog, layunin ng programa na bigyang kamalayan ang mga kabataan at hikayatin ang mga ito na ibaling ang interes sa ilang mga pampalakasang aktibidad upang malayo sa impluwensiya sa paggamit ng ilegal na droga.
Tampok naman sa naturang aktibidad ang iba’t ibang community services na hatid ng grupo kagaya ng libreng legal at medical consultation, libreng gupit, libreng lugaw, at maging ng talakayan patungkol sa laganap na panlilinlang at pagrerecruit ng mga makakaliwang grupo o ng CPP-NPA-NDF.
Labis naman ang tuwa at pasasalamat ng mga naging bahagi ng aktbidad sa serbiyo na ipinagkaloob ng kapulisan.
Nagtapos ang aktibidad sa pamamagitan ng basketball exhibition game sa pagitan ng CCPO Thunders Cops Team at ng Banilad Selection.
