Davao City – Arestado ang isang indibidwal sa isinagawang buy-bust operation ng Sasa PNP sa Km.10, Sasa, Davao City, noong Pebrero 06, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Tagong”, 37, residente ng Purok 22, Malagamot, Panacan, Davao City na tinaguriang Top 2 High Value Individual sa Station level.
Ayon kay PMaj Goles, naaresto ang suspek sa isinagawang buy-bust operation ng tauhan ng Station Drug Enforcement Team ng Sasa PS kasama ang Davao City Maritime Police Station at sa pakikipag-ugnayan sa PDEA XI.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 1.18 gramo na may street market value na Php5,920 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa suspek ay malaking kabawasan sa hanay ng mga nagbebenta ng ilegal na droga sa lugar at ito ay naging matagumpay dahil sa tulong ng mga mamamayan sa kapulisan na magdadala sa kaayusan at kaunlaran ng bansa.
Panulat ni Patrolman Alfred Vergara
