Camp Crame, Quezon City — Nakiisa ang PNP Museum sa selebrasyon ng Museums and Galleries Month kasabay ng 4th Philippine Arts Summits nitong Huwebes, Oktubre 20, 2022 sa Kampo Crame, Quezon City.
Panauhing pandangal sa aktibidad ang Kalihim ng Department of Interior and Local Government na si Atty. Benjamin C Abalos, Jr. kasama ang Officer-In-Charge ng PNP na si Police Lieutenant General Rhodel O Sermonia.
Ipinagdiriwang rin ng PNP Museum ang unang anibersaryo nito bilang isa sa mga accredited member ng ICOM o International Council of Museums.
Tampok sa aktibidad ang Artists’ Art Exhibit ng TSKP o Tagapagtaguyod ng Sining at Kultura ng Pilipinas at Wreath-laying sa monumento ni BGen Rafael Crame.
Samantala, sa mensahe ni DILG Secretary Abalos Jr., kanyang tinukoy ang kahalagahan ng sining at kultura ng bansa, aniya, “Dumaan man ang panahon, ang sining at kultura ang nagtutulay sa ating maipagmamalaking tinatawag nating lahi. Ang ating kultura ang siyang nagtatatag o naglalatag kung paano natin haharapin ang ating kasalukuyan at babagtasin ang kinabukasang nais natin para sa susunod pang mga henerasyon.”
Ang Pambansang Pulisya ng Pilipinas ay lubos na pagyayabungin pa ang museo nito nang sa gayo’y ang ala-ala ng mga bayaning pulis na nagbuwis ng buhay at nagserbisyo ng buong puso sa bansa ay manatili sa kasaysayan at makilala ng mga susunod pang mga henerasyon.
Panulat ni PCpl Jhoanna Marie Najera-Delos Santos
