Narekober ng mga tauhan ng Cagayan de Oro City Police Office ang iba’t ibang klase ng baril, mga bala at pampasabog sa Sitio Salimbal, Barangay Tignapoloan noong Nobyembre 8, 2021.
Ayon kay Acting City Director, PCol Aaron Mandia, nakatanggap sila ng tawag mula kay Joel Bautista hinggil sa nakita niyang sako na may nakausling rifle at hinihinalang naglalaman ng mga pampasabog.
Agad rumesponde ang mga tauhan ng City Mobile Force Company (CMFC), kasama ang Regional EOD and Canine Unit (RECU) 10.
Narekober ng mga otoridad ang isang (1) improvised shotgun; isang (1) cal .38; isang (1) homemade shotgun; tatlong (3) retractable rifle grenade; anim (6) na 20-gauge live shot pellets; at anim (6) na cal .38 live cartridges.
Hinila ng mga otoridad, iniwan ng mga pinaniniwalaang miyembro ng teroristang grupo ang natagpuang kontrabando.
Nasa kustodiya ng CMFC at RECU10 ang mga kagamitan para sa karagdagang imbestigasyon at tamang disposisyon.
###
Panulat ni: Police Corporal Josephine T Blanche
