Matagumpay ang ikinasang buy-bust operation ng PNP at PDEA kung saan naaresto ang dalawang (2) suspek at nakumpiska ang mahigit Php1-milyon halaga ng iligal na droga sa Barangay Malanday, Marikina City noong Nobyembre 8, 2021.
Huli sa buy-bust sina Marlon Taggueg aka “Alon”, 36 taong gulang, at Joemark Garcia aka “Nognog”, 29 taong gulang.
Nakuha sa pag-aari ng mga suspek ang tatlong (3) sachet at dalawang (2) ice bag na naglalaman ng hinihinalang shabu, isang (1) sling pouch, at Php500 na ginamit bilang buy-bust money.
Higit-kumulang 155 gramo ang kabuuang timbang ng shabu na narekober at tinatayang nagkakahalaga ng Php1,054,000.
Nahaharap sa kasong paglabag ng RA 9165 ang mga suspek na kasalukuyang nasa pangangalaga ng Marikina City Police Station kasama ang nakumpiskang mga ebidensya.
###
Panulat ni: Police Corporal; Josephine T Blanche
