Legaspi City, Albay – Tinatayang Php3,400,000 halaga ng shabu ang nasabat sa dalawang suspek sa buy-bust operation ng Albay PNP at PDEA- Albay nito lamang Huwebes, Agosto 11, 2022.
Kinilala ni Police Colonel Richard M. Aquitania, Officer-In-Charge ng Albay Police Provincial Office, ang mga suspek na sina Erigen Villanueva at Mark Dave Lonsame.
Ayon kay PCol Aquitania, naaresto ang mga suspek bandang 10:53 ng umaga sa Purok 2, Barangay 37- Bitano, Legaspi City, Albay ng pinagsanib na pwersa ng mga operatiba ng Legaspi City Police Station at PDEA- Albay.
Ayon pa kay PCol Aquitania, nakumpiska mula sa mga suspek ang tatlong piraso ng knot tied transparent plastic sachet ng hinihinalang shabu na may timbang na humigit kumulang na 550 gramo at may tinatayang halaga na Php3,400,000.
Nahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Ang pagkakahuli sa mga suspek ay patunay lamang na seryoso ang PNP PRO 5 at PDEA RO 5 na wakasan ang pagkalat ng anumang uri ng ilegal na droga sa buong rehiyon.
Source: KASUROG Bicol
###
Panulat ni Patrolman Rodel Grecia
