Magsaysay, Misamis Oriental – Arestado ang Top 1 Most Wanted Person (Municipal Level) sa kasong Murder sa isinagawang joint operation ng Regional Mobile Force Battalion 10 at Misamis Oriental PNP nito lamang Martes, Agosto 9, 2022.
Kinilala ni Police Captain Arnold Formento, Company Commander ng 1001st Maneuver Company, RMFB 10, ang suspek na si Aldren Sajol, 25, residente ng Sugbungcogon, Misamis Oriental.
Ayon kay PCpt Formento, naaresto ang suspek bandang 1:40 ng hapon sa Brgy. Consuelo, Magsaysay, Misamis Oriental ng mga tauhan ng 1001st MC, RMFB 10, Tagoloan Municipal Police Station at Magsaysay Municipal Police Station sa bisa ng Warrant of Arrest sa kasong Murder na walang inirekomendang piyansa.
Patuloy ang Pambansang Pulisya sa paghuli sa mga Wanted Person upang mapanatili ang katahimikan at kapayapaan ng nasasakupan.
###
Panulat ni Patrolman Joshua Fajardo/ RPCADU 10
