Zamboanga del Sur – Tiklo ang Top 5 Most Wanted Person ng Bukidnon (Provincial Level) sa isinagawang Joint Law Enforcement Operation ng puwersa ng PNP sa Pagadian City, Zamboanga del Sur nito lamang Hulyo 20, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang naarestong suspek na si Danny Mart Rivelliza Calma, 24, residente ng Purok Sili, Brgy. Balintawak, Pagadian City, Zamboanga del Sur.
Ayon kay PCol Lagare, nadakip ang suspek bandang 7:00 ng umaga ng mga tauhan ng Lantapan Municipal Police Station, Regional Intelligence Unit 10, Bukidnon Provincial Intelligence Unit, 1st Bukidnon Provincial Mobile Force Company, 1004th Maneuver Company, Regional Mobile Force Battalion 10, 3rd Special Force at Provincial Intelligence Unit ng Zamboanga Police Provincial Office.
Ayon pa kay PCol Lagare, naaresto ang suspek sa bisa ng Warrant of Arrest para sa kasong Attempted Murder sa ilalim ng Criminal Case No. 33458-19 na may inirekomendang piyansa na Php200,000.
Ang Provincial Director ay nagpahayag ng kanyang papuri sa mga rumespondeng tauhan ng PNP para sa mahusay na trabaho at walang humpay na pagsisikap na ilagay ang may sala sa batas sa likod ng rehas.
###
Panulat ni Patrolman Jomhel Tan/RPCADU 10
