Calayan, Cagayan – Tatlong babaeng magkakapatid ang hinandugan ng Project S.I.L.I.D (Solusyon para Iwaksi ang Pang-aabuso, Labanan ang Karahasan at Ibangon ang Dignidad ng mga Kababaihan) sa Sitio Kasayan, Barangay Dadao, Calayan, Cagayan noong Hulyo 8, 2022.
Kinilala ni Police Colonel Renell R Sabaldica, Provincial Director, Cagayan Police Provincial Office, ang mga benepisyaryo na sina Christine Payas,14; Jhasmine Payas, 9; at Princess Liyannah Payas, 4, mga anak nina G. and Gng. Jerimias Payas na kabilang sa mga mahihirap na pamilya sa nasabing barangay.
Maliban sa sariling silid at mga gamit sa loob nito, ay nakatanggap din ng tulong pinansyal ang mga magkakapatid na hatid nina Ms. Ma Irene Isabel Cabel, NAPOLCOM, Provincial Officer, Cagayan; Police Captain Divine Lagua, Chief WCPD, Cagayan PPO; at ang lokal na pamahalaan ng Calayan.
Nagkaroon din ng panunumpa ang mga bagong miyembro ng Anti-Rape Task Force sa barangay at talakayan patungkol sa RA 8353 (Anti-Rape Law) upang mas lalong mapaigting ang kampanya laban sa krimeng pang-aabuso at panggahasa.
Ang reyalisasyon ng naturang proyekto ay resulta ng pagtutulungan ng Calayan PNP at ng lokal ng pamahalaan dito.
Pinuri ni PBGen Steve B Ludan, Regional Director, PRO 2 ang inisyatibong ito ng Cagayan PPO na naglalayong magkaroon ng sariling silid ang mga kababaihan lalo na ang mga dalaga upang maiwasan ang pang-aabuso sa kanila at krimeng panggahasa.
Source: Cagayan Police Privincial Office/ Calayan PS
###
Panulat ni Patrolwoman Juliet Dayag
