Santa Lucia, Ilocos Sur – Naaresto ng Ilocos Sur PNP ang Top 1 Most Wanted Person (Municipal Level) sa kasong paglabag sa RA 9165 nito lamang Huwebes, ika-30 ng Hunyo 2022.
Kinilala ni Police Captain Albert T Lucero, Officer-in-Charge ng Santa Lucia Municipal Police Station, ang suspek na si Jun Luna Jacosalem, 39, residente ng Brgy. Sabuanan, Sta Lucia, Ilocos Sur.
Ayon kay PCpt Lucero, naaresto ang suspek bandang 11:25 ng umaga sa nabanggit na barangay ng mga operatiba ng Santa Lucia MPS at 2nd Ilocos Sur Provincial Mobile Force Company.
Ayon pa kay PCpt Lucero, naaresto ang suspek sa bisa ng Warrant of Arrest sa kasong Violation of Section 5, Article II, RA 9165 o Comprehensive Dangerous Drugs Act of 2002 na walang rekomendadong piyansa.
Ang Santa Lucia PNP ay patuloy sa pagpapaigting ng kanilang kampanya kontra kriminalidad upang tiyakin na ligtas, maayos at payapa ang mga lugar at mamamayan na kanilang nasasakupan.
Source: Santa Lucia Municipal Police Station
###
Panulat ni PSSg Carmela G Danguecan/RPCADU1
