Tuguegarao City – Naghandog ng Libreng Kasal ang Cagayan PNP na ginanap sa Our Lady of Piat Chapel, Camp Tirso H Gador, Tuguegarao City, Hunyo 21, 2022.
Ayon kay Police Colonel Renell R Sabaldica, Provincial Director ng Cagayan Police Provincial Office, siyam na magsing-irog ang benepisyaryo ng nasabing kasalan mula sa iba’t ibang munisipalidad ng Cagayan kabilang ang mga indigent at Agta family.
Si Police Brigadier General Romaldo Bayting, Deputy Regional Director for Administration, Police Regional Office 2, ang naging pangunahing sponsor ng mga ikinasal na nagpaabot ng gabay at mensahe para sa tahimik at maayos na pagsasama bilang mag-asawa.
Samantala, si Police Captain Rey Dollesin, Regional Pastoral Officer ang nangasiwa sa misa at nagbasbas sa mga bagong kasal.
Layunin ng aktibidad na magbigay ng suporta sa mga mahihirap na mag-asawa na gawing legal ang pagsasama para na rin sa karapatan ng mga anak na mabuhay nang lehitimo.
Source: Cagayan Police Provincial Office
###
Panulat ni Police Corporal Carla Mae P Canapi
