Makilala, North Cotabato- Nakiisa ang mga tauhan ng Makilala Municipal Police Station sa pagdiriwang ng Father’s Day sa Brgy. Indangan, Makilala, North Cotabato, noong ika-16 ng Hunyo 2022.
Ayon kay PLtCol Jolet Nicolas, Chief of Police ng nasabing istasyon, humigit 60 kabataan at 50 DOLE Stanfilco employee na karamihan ay tatay ang napamahagian ng food packs na naglalaman ng sari-saring pagkain para sa mga bata.
Dagdag pa ni PLtCol Nicolas, isang espesyal na boodle fight rin ang inihanda nila para sa mga tatay na empleyado sa naturang lugar.
Lubos na kasiyahan ang nadama ng mga kabataaan at taos pusong pasasalamat ang sambit ng mga mapagmahal na ama sa isinagawang aktibidad sa pagdiriwang ng Father’s Day kung saan pinadama nila ang tunay na kahalagahan ng isang padre de pamilya sa isang tahanan.
Ang PNP ay patuloy sa pagbibigay ng magandang serbisyo sa mga mamamayan upang mapagtibay ang ugnayan ng PNP at ng komunidad.
Source: Makilala Municipal Police Station PRO 12
###
Panulat ni Patrolwoman Sherie-ann Masi
