Pasay City — Arestado ang isang Sputnik Gang member dahil sa pananaksak nito sa kapwa nya barker sa kahabaan ng EDSA corner Zamora St. Brgy. 98, Zone 14, Pasay City hapon nang Linggo, May 8, 2022.
Kinilala ni Southern Police District Director Police Brigadier General Jimili Macaraeg ang suspek na si Rolando Reaño y Jorge, 44, na miyembro ng sputnik gang, at biktima nito na si Lorenzo Sadava y Quinto, 26.
Ayon sa ulat, habang tuwang-tuwa na nagtatawag ng mga pasahero ang dalawa, nagkaroon daw umano sila ng di pagkakatindihan na humantong sa pag-aaway at pananaksak ni Reaño kay Sadava gamit ang isang ice-pick.
Nagtamo ng dalawang saksak sa tiyan ang biktima at agad na isinugod sa San Juan De Dios Hospital.
Agad namang nahuli ang suspek ng mga operatiba ng Sub-Station 4, Pasay City Police Station sa ginawa nilang follow-up operation.
Mahaharap ang suspek sa kasong paglabag sa Batas Pambansa Blg. 6 in relation to Omnibus Election Code.
Patuloy naman ang Pasay CPS sa mahigpit na pagpapatrolya sa kanilang nasasakupan upang mabilis nilang matugunan ang anumang insidenteng gaya nito.
###
Panulat ni PCpl Jhoanna Marie Najera-Delos Santos
