Pampanga – Nakumpiska ang nasa 52 gramo ng hinihinalang shabu na nagresulta sa pagkakaaresto ng suspek sa ikinasang buy-bust operation ng Mabalacat City PNP sa Barangay Sapang-Biabas, Mabalacat City, Pampanga nito lamang Lunes, ika-20 ng Nobyembre 2023.
Kinilala ang naarestong suspek na si Alyas “Jeff”, residente ng Sapang-Biabas, Mabalacat City, Pampanga.
Naging matagumpay ang nasabing operasyon dahil sa pagsisikap ng mga operatiba ng Mabalacat City Police Station sa pamumuno ni Police Lieutenant Colonel Alfredo Canlas, Chief of Police.
Nakumpiska ang 52 gramo ng shabu na may street value na Php353,600 at buy-bust money.
Sasampahan ang suspek sa kasong paglabag sa RA 9165 o Comprehensive Dangerous Drugs Act of 2002.
Patunay lamang na ang Mabalacat City PNP ay pursigido at dedikasyon sa kanilang pagpapaigting laban sa kriminalidad.
Source: Mabalacat City Police Station
Panulat ni PCpl Jeselle V Rivera
