General Santos City – Malugod na tinanggap ng General Santos City Police Office ang limang unit ng Police Patrol Car mula sa pamahalaan ng General Santos City na idinaos sa City Hall, General Santos City nito lamang ika-29 ng Oktubre 2023.
Pinangunahan ni Lorelie Geronimo Pacquiao, City Mayor, ang turn-over ceremony ng donasyon ng limang Patrol Car sa General Santos City PNP at malugod namang tinanggap ni Police Colonel Nicomedes Olaivar Jr., ang mga susi at dokumento ng sasakyan.
Samantala, isa ring unit ng Patrol Car ang iturn-over sa Joint Task Force Gensan.
Kaakibat nito, gagamitin ang mga nasabing sasakyan upang palakasin ang pagsusumikap ng GenSan PNP at Joint Task Force Gensan para labanan ang anumang uri ng kriminalidad, terorismo at insurhensiya sa kanilang nasasakupan.
Lubos namang nagpahayag ng pasasalamat si PCol Olaivar Jr., sa patuloy na ibinibigay na suporta ng pamahalaan ng General Santos City lalo na sa pagbibigay ng sasakyan na gagamitin ng PNP sa pagpapanatili ng kapayapaan at kaayusan sa naturang lalawigan.
