Northern Samar – Kusang-loob na sumuko ang apat na miyembro ng Yunit Militia at isang Under Ground Mass Organization sa mga awtoridad sa Brgy. Mckinley, Catarman, Northern Samar nito lamang Martes, Hunyo 13, 2023.
Kinilala ni Police Major Norman Kiat-ong Jr., ang mga sumuko na sina alyas “Emel”, alyas “James”, alyas “Mally”, alyas “Pito”, kapwa mga NPSR listed member ng Yunit Militia sa ilalim ng FC 2, SRC Emporium at si alyas “Caren”, NPSR listed member ng Malayang Kilusan ng Makabagong Kababaihan (MAKIBAKA/UGMO) sa ilalim ng FC 1, SRC Emporium.
Sa suporta ng komunidad, matagumpay na nakumbinsi ng awtoridad ang mga miyembro ng CTG at UGMO na kusang sumuko at tumalikod sa kanilang armadong pakikibaka.
Ang boluntaryong pagsuko ng mga miyembro ng CTGs ay bunga ng walang tigil na negosasyon ng mga tauhan ng 1st Northern Samar Provincial Mobile Force Company, kasama ang 2nd Northern Samar PMFC, Catarman MPS, 804th MC RMFB8 at 43rd Infantry Battalion, Philippine Army.
Ang mga sumukong CTG ay nasa kustodiya na ngayon ng 1st NSPMFC habang inaayos ang mga kaukulang dokumento para sa pag-avail sa Enhance Comprehensive Local and Integration Program (E-CLIP) ng pamahalaan.
