South Cotabato – Nakatanggap ng Php86,000 at tulong pangkabuhayan ang apat na dating rebelde na sumailalim sa Enhanced-Comprehensive Local Integration Program (E-CLIP) sa isinagawang awarding ceremony ng Regional Mobile Force Battalion 12 sa Villa Princessita, Jabido Compound, City of Koronadal, South Cotabato nitong Huwebes, Marso 10, 2022.
Kinilala naman ni PCol Jomar Alexis Yap, Force Commander ng RMFB12 ang 4 na dating rebelde na sina Juanily Bolotano, Antonio Dela Torre, Alex Engatan Olan at si Jummy Talino Panday na sumailalim sa E-CLIP program at naging pangunahing benepisyaryo ng aktibidad.
Matagumpay na nabigyang papuri ang apat na dating rebelde sa isinagawang aktibidad sa pangunguna ni PCpt Joemari Cua, CAS PCO kasama si PCpt Renato Dunga Jr, Intel Officer.
Ayon kay PCol Yap, bilang papuri sa apat na dating rebelde nabigyan sila ng agarang livelihood at reintegration assistance na nagkakahalaga ng Php86,000 bawat isa bilang bahagi ng E-CLIP benefits.
Labis naman ang pasasalamat ng apat na dating rebelde dahil sa maayos na pakikitungo sa kanila ng ating kapulisan at pati na rin sa walang sawang pagbibigay ng suporta at tulong sa kanila.
###
Panulat ni Patrolman Khnerwin Jay A Medelin
