Davao del Sur – Ginunita ng tribong Bagobo-Tagabawa ang ika-33 anibersaryo ng Rano Massacre sa Rano Memorial Park, Sitio Rimpong Brgy. Binaton, Digos City, Davao del Sur, Hunyo 25, 2022.
Pinangunahan ni Usec. Lorraine Marie Badoy, NTF-ELCAC spokesperson at Alex Paul Monteagudo, Director General, National Intelligence Coordinating Agency (NICA) ang nasabing aktibidad kasama ang City Vice Mayor ng Digos City na si Atty. Johari Bana at mga Tribal Leaders.
Kasama rin sa mga dumalo sina PBGen Thomas Frias Jr, Executive Officer ng Area Police Command-Eastern Mindanao (APC) bilang kinatawan ni PMGen Filmore Escobal, APC Commander at PMaj Ambrosio Maceda Deputy Chief Digos Police Station at tauhan ng AFP upang siguraduhin na maging ligtas at payapa ang nasabing akitibidad.
Samantala, pinangunahan naman PMaj Rowena Jacusalem, R-PSB focal person ang caravan upang maihatid ang serbisyo ng PNP sa mga pamilya at miyembro ng tribong Bagobo-Tagabawa.
Nag-alay naman ang mga panauhin na dumalo sa bantayog ng rano massacre ng bulaklak at kandila kabasay ng isang taimtim na panalangin.
Ang Rano Massacre ay naganap noong Hunyo 25, 1989, ito ay isang malagim na pangyayari para sa tribong Bagobo-Tagabawa na hindi nila malilimutan dahil sa kagagawan ng Communist Terrorist Group (CTG) na nagresulta ng pagkasawi ng 39 na buhay.
Nagpasalamat naman ang Bagobo-Tagabawa tribe sa PNP at sa lahat ng nakiisa sa kanilang isinagawang paggunita ng anibersaryo ng Rano Massacre.
###
Panulat ni Patrolman Alfred Vergara
