Napasaya ng Valley Cops ang 300 pamilya kabilang ang 150 bata na benepisyaryo ng isinagawa nilang Community Outreach Program na ginanap sa Core Shelter, Brgy. Centro 3, Lasam, Cagayan nito lamang Huwebes, Hunyo 16, 2022.
Tinungo ng mga miyembro ng Regional Community Affairs and Development Division 2 sa pamumuno ni Police Colonel Mario P Malana ang nabanggit na lugar kung saan namigay sila ng food packs at hygiene kits.
Nakatanggap naman ang mga bata ng bagong pares ng tsinelas.
Bukod pa dito, nagkaroon din ng feeding program sa nasabing programa.
Patuloy ang isinasagawang community outreach program ng Valley Cops upang makapagbigay ng tulong sa ating mga kababayan sa hamon na dala ng pandemya at upang maipaabot sa mga nasa laylayan ang serbisyo at malasakit ng pamahalaan.
Source: PRO2 PIO
###
Panulat ni PSSg Mary Joy D Reyes
