General Santos City – Bilanggo ngayon ang tatlong matataas na lider ng CPP-NPA matapos maaresto ito ng mga otoridad ng General Santos City PNP sa pangunguna ng CIDG-12 sa Phase 5, Doña Soledad, Brgy. Labangal, General Santos City noong ika-29 ng Enero 2023.
Kinilala ni PNPCIDG Director Police Brigadier General Romeo Caramat Jr., ang mga suspek na sina alyas “Ruben”, alyas “Presentacion” at si alyas “Travis/Inigo/Kaber”, na inaresto sa bisa ng Warrant of Arrest sa kasong rebellion at murder.
Ayon kay PBGen Caramat Jr., si alyas “Ruben” ay sekretarya ng National Propaganda Commission of the CPP Central Committee at dating secretary ng Panay Regional Party Committee (PRPC).
Habang pinuno naman ng Komiteng Rehiyonal Panay (KR- Panay) si alyas “Presentacion”; at lider ng Sentro-De-Gravidad, Guerrilla Front 35, Southern Mindanao Regional Committee (SMRC) naman si alyas “Travis/Inigo/Kaber”.
Kasabay ng kanilang pagkakaaresto, narekober din sa kanila ang ilang mga matataas na kalibre ng armas/baril, gadget at mga subersibong dokumento.
Ito ay resulta ng OPLAN PAGTUGIS at OPLAN PAGLALANSAG OMEGA para sugpuin ang mga pinuno, miyembro at tagasuporta ng komunistang grupo.
Patuloy naman ang panawagan ni Police Brigadier General Jimili L Macaraeg, Regional Director ng PRO 12 sa mga natitirang miyembro ng CPP-NPA na magbalik-loob na sa gobyerno tungo sa kaayusan, katahimikan, at kaunlaran ng bansa.
Panulat ni Patrolman Khnerwin Jay A Medelin
