Davao de Oro – Kusang-loob na sumuko ang tatlong dating miyembro ng Communist Terrorist Group na kabilang sa mga Municipal Most Wanted Person sa tauhan ng PNP sa Maco, Davao de Oro, noong Oktubre 24, 2022.
Kinilala ni PMaj Madtaib Jalman, Chief of Police ng Maco Municipal Police Station, ang mga suspek na si alyas “Nash”, 34; alyas “Aian”, 31; na tinaguriang Top 8 Most Wanted Person at alyas “Jumong” 33, na tinaguriang Top 6 Most Wanted Person; pawang mga residente ng Brgy. Conception, Maco, Davao de Oro at mga dating miyembro ng Weakened Guerilla Front 55.
Ayon kay PMaj Jalman, ang mga sumukong CTG ay may mga pending warrant sa mga kasong Homicide at Discharge of Firearms.
Ang pagsuko ng mga ito ay pagpapakita ng tiwala at pagbabalik loob nila sa pamahalaan at ito ay magdadala ng kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
