Boluntaryong isinuko ng isang concerned citizen ang dalawang loose firearms sa Barira Municipal Police Station nito lamang ika-3 ng Abril 2024.
Ayon kay Police Lieutenant Cairodin M Tomawis, Officer-In-Charge ng Barira MPS, boluntaryong nagtungo sa nasabing istasyon ang isang concerned citizen at kusang isinuko ang kanyang dalawang Loose Firearms.
Ang isinukong mga baril ay isang yunit na Moro cal.30mm rifle at isang yunit ng cal.45mm pistol.
Ayon kay alyas “Pedro”, ang kusang loob niyang pagsuko sa kanyang loose-firearms ay pagbibigay suporta at kooperasyon sa mga awtoridad.
Ang matagumpay na pagsuko ng baril ay resulta ng pinaigting na kampanya ng PNP kontra loose firearms kung saan nasa kustodiya na ng Barira MPS ang mga isinukong baril.
Samantala, hinihikayat ng Pambansang Pulisya ng Pilipinas ang publiko lalo na ang may mga baril na walang kaukulang dokumento at nais itong isuko na makipag-ugnayan lamang sa pinakamalapit na himpilan ng pulisya.
Panulat ni Pat Ma. Señora Agbuya
