Cotabato – Arestado ang dalawang lalaki matapos makuhanan ng ilegal na armas sa ikinasang checkpoint operation ng mga awtoridad sa Brgy. Gli-gli, Pikit, Cotabato nito lamang ika-29 ng Enero 2024.
Kinilala ni Police Colonel Gilberto Tuzon, Officer-In-Charge ng Cotabato Police Provincial Office, ang mga nahuling suspek na sina alyas “Noel”, 46, Contractor; at si alyas “Anerudin”, 38, foreman, at kapwa residente ng Barangay Takepan, Pikit, Cotabato.
Ayon kay PCol Tuzon, nakita sa loob ng sasakyan ng mga suspek ang dalawang yunit ng Cal. 40 na baril na may kasamang mga magazine at mga bala.
Nabigo ang dalawang indibidwal na magpakita ng mga kaukulang dokumento sa dala nilang mga armas kaya’t agad silang inaresto para sa kasong paglabag sa Comprehensive Firearms and Ammunition Regulation Act o RA 10591.
Giit naman ni PCol Tuzon na mahigpit na babantayan ng Cotabato PNP ang mga lansangan sa pamamagitan ng patuloy na pagsasagawa ng checkpoint operation sa lalawigan upang masawata ang mga lumabag sa batas.
Panulat ni Patrolman Khnerwin Jay A Medelin
