Arestado ang tatlong indibidwal at narekober ang dalawang high-powered firearms sa ikinasang operasyon ng mga otoridad sa Barangay Bayanga Norte, Maguindanao del Norte nito lamang Linggo, Marso 8, 2026.
Ayon kay Police Colonel George D. Bagundol Jr, Acting Provincial Director ng Maguindanao del Norte Police Provincial Office, naging matagumpay ang operasyon dahil sa pagsisikap ng mga tauhan ng Regional Drug Enforcement Unit–Special Operations Group (RDEU-SOG), 1402nd at 1401st Regional Mobile Force Battalion 14-A, 1st Provincial Mobile Force Company, Provincial Intelligence Unit ng Maguindanao del Norte, Provincial Drug Enforcement Unit PSOG of Maguinanao del Norte Police Provincial Office, Tactical Support Company, Matanog Municipal Police Station, at 549th Engineer Combat Battalion ng 54th Engineer Brigade ng Philippine Army.
Narekober ng kasundaluhan at kapulisan ang isang Colt 5.56 rifle, isang CIS 5.56 rifle, dalawang magazine assemblies para sa 5.56 rifles, 13 live rounds ng 5.56 ammunition, isang Isuzu Elf truck, isang Honda Click motorcycle, at buy-bust money.
Pinuri ni PCol Bagundol Jr., ang operating units para sa matagumpay na pagsasagawa ng operasyon at binigyang-diin ang kahalagahan ng patuloy na pagbabantay laban sa iligal na kalakalan ng mga baril.
