Lanao del Norte – Nakiisa ang 1st Provincial Mobile Force Company– Lanao del Norte PNP sa isinagawang Blood Donation Drive ng Regional Health Unit–Kolambugan sa Brgy. Kolambugan Civic Center, Lanao del Norte nito lamang Lunes, Pebrero 6, 2023.
Ang pag-donate ng dugo ay pinangunahan ng mga tauhan ng 1st Provincial Mobile Force Company, Lanao del Norte Police Provincial Office sa ilalim ng pangangasiwa ni Police Lieutenant Alwin Baclao, Force Commander.
Ang naturang aktibidad ay isinagawa para sa Peoples Day Activity upang maipakita ang malasakit sa mamamayan na makatulong sa mga nangangailangan ng dugo.
Ang Lanao del Norte PNP ay patuloy na makikiisa sa mga ganitong uri ng aktibidad upang makamit ang inaasam na pag-unlad at maayos na komunidad.
Panulat ni Patrolman Joshua Fajardo/RPCADU10
