Camp Karingal, Quezon City — Nakatanggap ng labinlimang units ng laptop mula sa Department of Information and Communication Technology (DICT) ang Quezon City Police District (QCPD) sa QCPD Hinirang Social Hall, Camp Karingal, Sikatuna Village, Quezon City nito lamang Biyernes, noong Hulyo 1, 2022.
Pinangunahan ni Engr. Ariel Macario M. Gaan Jr, Assistant Secretary, Center for Global, ICT Training, Recognition and Certification, ang pag-turnover ng nasabing laptops sa QCPD na kung saan ay dinaluhan ng Command Group, District Staff at iba pang Key Officers ng QCPD na pinangunahan ni QCPD Director, PBGen Remus B Medina.
Ipinahayag naman ni PBGen Medina ang kanyang pasasalamat sa DICT na mapili ang QCPD bilang isa sa kanilang beneficiaries. Aniya, “Tunay nga na ang pagtanggap ng biyaya mula sa mga kasama natin sa ibang ahensya ay nakakagaan sa puso at nagiging inspirasyon sa pagtupad sa aming tungkuling ipagtanggol ang kaligtasan ng publiko.”
“Makakaasa po kayo na ang mga bagong kagamitan na ito ay magsisilbing instrumento para sa positibong pagbabago at pag-unlad sa larangan ng pagpapatupad ng batas sa lungsod ng Quezon. Ang pagkabukas-palad at kabutihan ng DICT ay kailanman hindi makakalimutan ng mga tauhan ng QCPD at pahalagahan ito sa pamamagitan ng paglilingkod at pagprotekta sa publiko,” dagdag pa niya.
Source: Pio Qcpd
###
Panulat ni PSSg Remelin M Gargantos
