Baguio City – Tinatayang Php122,400 halaga ng shabu ang nakumpiska sa isinagawang Search Warrant Operation ng mga awtoridad sa Purok 3, Brgy. Gibraltar, Baguio City nito lamang Hunyo 16, 2023 na nagresulta sa pagkakaaresto ng tatlong suspek.
Ayon kay Police Colonel Francisco Bulwayan Jr., City Director ng Baguio City Police Office, nagsagawa ng Search Warrant under PDEA-CAR Oplan “Moklo” sa nasabing lugar ang mga tauhan ng Baguio City Police Office, Pacdal Police Station, Ifugao Police Office, Apayao Police Office, Abra Police Office, Benguet Police Provincial Office, PDEA-CAR at sa pangunguna ng Mt. Province Police Provincial Office na nagresulta sa pagkakadiskubre ng mga droga at pagkakaaresto ng tatlong suspek.
Kinilala ang mga suspek na sina alyas “Moklo”, 52, residente ng Tadian Mt. Province; alyas “Rojan”, 43, residente ng Irisan, Baguio City at alyas “Richard”, 42, residente ng Cervantes, Ilocos Sur.
Nakumpiska sa mga suspek ang 18 gramo ng shabu na nagkakahalaga ng Php122,400; isang toother na naglalaman ng 5ml liquid meth; isang heat-sealed transparent sachet na naglalaman ng mga tuyong damo na pinaghihinalaang marjuana na may timbang na 2 gramo na nagkakahalaga ng Php240 at 17 piraso ng assorted drug paraphernalia.
Mahaharap ang tatlong suspek sa kaaong paglabag sa RA 9165 o Comprehensive Dangerous Drugs Act of 2002.
Patuloy ang Cordillera PNP sa pagpapaigting ng kampanya laban sa ilegal na droga para mapanatiling maayos at ligtas ang komunidad sa anumang uri ng kriminalidad, terorismo at insurhensiya na hadlang sa pagkamit ng kapayapaan at kaunlaran sa ating pamayanan.
