Masayang tinanggap ng 105 indibidwal na pawang mga residente ng Brgy. Andili, Mawab, Davao de Oro ang kanilang mga dokumento na libreng nakuha mula sa Philippine Statistics Authority (PSA) sa tulong ng mga tauhan ng Revitalized-Pulis sa Barangay Mawab na pinamumunuan ni PLt Ervin Keith U Urbiztondo at sa suporta ng lokal na pamahalaan ng Mawab sa ilalim ng pamumuno ni Hon. Ruperto S. Ganzaga III.
Kabilang dito ang 59 na mga birth certificate at 46 na mga cenomar certificate na iprinoseso ng R-PSB Mawab para sa mga pares na ikakasal sa darating na kasalan ng Brgy. Andili sa tulong pa rin ng kanilang grupo.
Malaking tulong ang nasabing programa ng R-PSB sa mga mag-asawa at indibidwal na nakatira sa Geographically Isolated and Disadvantaged Areas o GIDAS na nahihirapan sa pagkuha ng mga dokumento sa PSA dahil na rin sa layo ng kanilang lugar at para na rin sa kanilang kaligtasan lalo na ngayong panahon ng pandemya kung saan napabilis ang kanilang pagkuha at wala silang naging gastos.
#####
Article by Police Corporal Mary Merche A Moraera
