Benguet – Tinatayang Php100,000 halaga ng marijuana ang nadiskubre sa isinagawang marijuana eradication ng mga tauhan ng Kibungan Municipal Police Station sa Sitio Amlawa, Badeo, Kibungan, Benguet nito lamang ika-16 ng Hunyo 2023.
Ayon kay Police Colonel Damian Olsim, Provincial Director ng Benguet Police Provincial Office, nadiskubre ng Kibungan PNP ang isang plantasyon ng marijuana na may 500 Fully Grown Marijuana Plants sa communal forest na may sukat na 100 square meters at tinatayang nagkakahalaga ng Php100,000.
Kaagad namang binunot at sinunog ang mga nadiskubreng marijuana habang walang nahuli sa naturang operasyon ngunit muling pinapaalalahanan ang publiko na itigil ang pagtatanim ng marijuana sapagkat hindi titigil ang Benguet PNP sa pagpuksa at paghuli sa mga nagtatanim at nag-aangkat sa ipinagbabawal na halaman.