Cavite – Masayang nakihataw ang mga estudyante ng Emilio Aguinaldo College sa isinagawang Zumba Activity ng ating kapulisan mula sa PNP Dance and Fitness Team ng Regional Police Community Affairs and Development Unit ng NCR na ginanap sa Foot Ball Field ng paaralan sa Dasmariñas, Cavite nito lamang Sabado, Marso 18, 2023.
Ang aktibidad ay ang 50th Foundation Celebration na may temang “Celebrating lives of Excellence, Service and Virtue” sa pangunguna ni Ms. Glenda S Ogerio, Dean ng School of Physical Theraphy kasama ang RPCADU-NCR sa pamumuno ni Police Lieutenant Colonel Nieves Dela Peña, Acting Chief, RPCADU-NCR.
Ito din ay kaugnay sa programa ni SILG Benhur Abalos na “Buhay Ingatan, Droga ay Ayawan” o BIDA sa pamamagitan ng BIDANCE.
Labis naman ang pasasalamat ng mga estudyante at mga guro sa mga kapulisan na naging parte ng kanilang programa.
Layunin nitong bigyan ng inspirasyon ang mga kabataan na mapangalagaang mabuti ang kanilang mga katawan sa paraan ng pag-eehersisyo para maging malakas at malusog ang kanilang pangangatawan.
