Cagayan de Oro City – Nakiindak at nakisaya ang mga miyembro ng Police Regional Office 10 at Non-Uniformed Personnel sa isinagawang Zumba Activity sa Camp 1Lt Vicente Alagar, Cagayan de Oro City nito lamang ika-29 ng Hulyo 2023.
Ang naturang aktibidad ay pinangunahan ni Police Brigadier General Lawrence Coop, Regional Director ng Police Regional Office 10 kasama ang Command Group.
Tumagal ng dalawang oras ang pagsasayaw ng nasabing grupo na pamamaraan ng pag-ehersisyo na makakatulong upang malayo sa anumang karamdaman at mapanatiling masigla at fit ang pangangatawan.
Mahigit 525 personahe mula sa iba’t ibang offices at unit, National Support Unit, provincial office at Non-Uniformed Personnel ang nakilahok sa naturang aktibidad.
Ang programa ay naglalayon na matulungan ang Leukemia Parents and Patients Organization na makalikom ng kaunting halaga na makakatulong sa ating mga kababayan na may malubhang sakit.
Panulat ni Patrolman Edwin Baris/RPCADU10
