Personal na binisita ni Police Colonel Fidel B Fortaleza Jr., City Director ng Zamboanga City Police Office, ang iba’t ibang evacuation center sa lungsod upang alamin ang kalagayan ng mga apektadong residente at tiyakin ang kanilang kaligtasan at kapakanan sa gitna ng matinding pagbaha dulot ng Low-Pressure Area (LPA) nito lamang ika-08 ng Hunyo 2025.
Kasama sa kanyang pagbisita ang inspeksyon sa mga tauhan ng Zamboanga City Police Office, na itinalaga sa mga evacuation center.
Tiningnan ang kondisyon, pinakinggan ang kanilang mga hinaing, at sinigurong may sapat na kagamitan at suporta upang maisagawa nang maayos ang kanilang tungkulin.
Ipinamalas ni PCol Fortaleza Jr., ang isang uri ng pamumuno na hindi lamang nakatuon sa pagbibigay ng utos, kundi ang pagiging present sa mga panahong pinaka-kailangan siya ng kanyang mga tauhan at ng komunidad.
Bilang pagpapakita ng malasakit at epektibong pamumuno, namahagi ng mga relief goods hindi lamang para sa mga residenteng inilikas, kundi pati na rin sa mga miyembro ng Zamboanga City PNP, na direktang naapektuhan ng pagbaha sa kanilang mga tahanan.
Ang hakbang na ito ay patunay ng kanyang dedikasyon hindi lamang sa seguridad ng publiko kundi maging sa kapakanan ng kanyang mga tauhan, isang halimbawa ng serbisyong may puso sa harap ng pagsubok.
Panulat ni Pat Joyce Franco
