Naisakatuparan ang isinagawang Roof Recovery Efforts sa pamamagitan ng bayanihan o yaru ng Batanes Provincial Mobile Force Platoon upang tulungan ang isang kapwa pulis na si PSMS Kathleen G Malupa, tauhan ng Batanes PPO na naapektuhan ng Bagyong Julian sa Barangay Valugan, Basco, Batanes ngayong araw, ika-2 ng Oktubre 2024.
Ito ay pinangunahan ng mga tauhan ng Batanes Provincial Mobile Force Company sa pamumuno ni Police Captain Rubin D Culian, Platoon Leader, kasama ang iba pang kapulisan ng Batanes at mga residente ng nasabing lugar.
Ang mga nasabing grupo ay nagtulong-tulong sa pagbubuhat ng mga nasirang bubong ng bahay at pag-alis ng mga nakabagsak na kahoy na maaaring magdulot ng panganib.
Dahil sa matinding pinsala ng bagyo, maraming bahay ang nawalan ng bubong na nagresulta sa panganib at hindi ligtas na tirahan kung kaya agad na nag-organisa ang mga kapulisan upang makilala ang mga pinakaapektadong lugar at magbigay ng agarang tulong.
Ang aktibidad na ito ay naglalayong patatagin at palakasin ang pagtutulungan ng mamamayan, komunidad at kapulisan.
Source: Batanes PMFP
Panulat ni Pat Michelline Ballada
