Isinagawa ang “Yamang Kalusugan Walk for a Cause” kaugnay sa pagdiriwang ng Araw ng Kagitingan na nilahukan ng Surigao del Sur PNP na ginanap sa Barangay Aras Asan Kiosk, Cagwait, Surigao del Sur nito lamang Abril 9, 2024.
Ang nasabing aktibidad ay inorganisa ng Gawad Kalinga na aktibong nilahukan ng 1st Surigao del Sur Police Mobile Force Company (SDS-PMFC) sa pangunguna ni Police Master Sergeant Niezl B Mihandalam, CAD PNCO, 1st SDSPMF, Surigao del Sur PPO.
Ilan sa kanilang aktibidad ay ang paglalakad ng mahigit 6km at masiglang sayawan ng Zumba na pinangunahan ng masigasig na BWI Youth Volunteers.
Layunin ng nasabing aktibidad na parangalan ang kagitingan ng mga bayaning Pilipino at magbigay ng inspirasyon sa kabayanihan sa pamamagitan ng community engagement at health advocacy.
Patuloy ang PNP CARAGA sa pakikiisa sa pagtataguyod ng kalusugan at magandang ugnayan sa ating mamamayan, lalo na sa paggunita sa Araw ng Kagitingan at sakripisyo ng ating mga bayani na naging daan upang makamit ang ating kalayaan.
Panulat ni Pat Karen Mallillin
