Nagbigay saya sa dalawang benepisyaryo ang hatid na wheelchair at iba pang assistive devices sa ilalim ng Project YAKAP NI HEPE o Yapak na Aalalay sa may KAPANSANAN mula sa Ilagan Component City Police Station sa Brgy. Gayung Gayung Sur, City of Ilagan, Isabela noong ika-20 ng Enero 2024.
Personal na iginawad ni Police Lieutenant Colonel Lord Wilson J Adorio, Hepe ng Ilagan Component City Police Station sa pakikipag-ugnayan at pakikipagtulungan ni Hon. Evyn Jay C. Diaz, Board Member ng nasabing bayan, kasama ang Rotary Club of Ilagan, Rotaract Ilagan, Jayve Cares, SK Federation, Interfraternity Council, at ang City Government ng Ilagan.
Hindi naging hadlang sa mga kapulisan ang malayong lugar ng mga benepisyaryo upang maipaabot ang tulong at maipadama sa kanila na ang pamahalaan ay handang magbigay ng tulong sa mga mamamayan.
Labis ang pasasalamat at walang humpay ang luha ng kasiyahan ng mga nakatanggap ng tulong na kung saan kinailangan pasukin ang liblib na sitio ng barangay at tumawid sa sapa upang maipaabot lamang ang tulong.
Samantala, layunin ng programa na tulungan ang mga Person with Disabilities (PWDs), o ang mga dumaranas ng pangmatagalang pisikal, mental, intellectual, o sensory impairment.
Patuloy ang Pambansang Pulisya sa pagpapakita ng malasakit sa mga kababayan nating salat sa buhay. Ito ay alinsunod sa PNP Core Values na Makatao at magpapatuloy ang mga ganitong proyekto upang mas marami pang mamamayan ang mabigyan ng maayos na buhay.
Source: Ilagan CCPS
