Camp Delgado, Iloilo City – Binigyang parangal ng Police Regional Office 6 ang ilan sa mga tauhan nitong nagpakita ng katangi-tanging mga nagawa sa ngalan ng paglilingkod sa bayan nitong ika-27 ng Hunyo 2022 kasabay ng Flag Raising Ceremony sa Camp Gen Martin Teofilo B Delgado, Iloilo City.
Ginawaran ng Medalya ng Kagalingan sina Police Major Ramel Sarona at Police Corporal Raffy T Gregorio mula sa Bacolod City Police Station 1 sa matagumpay na buy-bust operation na nagresulta sa pagkaaresto ng dalawang suspek sa Bacolod City. Habang Medalya ng Papuri naman ang iginawad kina Police Major Syril Punzalan at Police Corporal Isaiah Don T Bornales ng Pontevedra Municipal Police Station; Police Lieutenant Paul Joseph Oberio at Police Staff Sergeant John S Galan ng Lauan Municipal Police Station; Police Lieutenant Benjamin Cabrillos at Police Staff Sergeant John Nemart T Mandolado ng Regional Maritime Unit 6 at Culasi Municipal Police Station, sa matagumpay ding pagpapatupad ng batas sa kani-kanilang area of responsibility.
Samantala, pinuri naman ni Police Colonel Martin E Defensor, Jr., PRO 6, Deputy Regional Director for Operations ang mga ginawarang tauhan sa katangi-tangi nitong katapangan at kagalingan sa pagpapatupad ng batas sa kani-kanilang mga yunit. Aniya, ang kanilang kagalingan ay dapat na pamarisan ng iba pang mga tauhan na gawin ng buong tapat ang kanilang mga sinumpaang tungkulin.
###
