Arestado sa isinagawang manhunt operation ng mga awtoridad ang isang welder sa kasong pagnanakaw nito lamang ika-26 ng Agosto 2024 sa P-2, Población, Kitaotao, Bukidnon.
Kinilala ni Police Captain Cristopher P Tuzara II, Officer-In-Charge ng Kitaotao Municipal Police station, ang suspek na si alyas “Dongdong”, 33 taong gulang, may asawa, welder, at residente ng P-2 Población, Kitaotao, Bukidnon.
Bandang 5:05 ng hapon naaresto ang suspek sa bisa ng Warrant of Arrest na may criminal case no. 12793-24-P sa kasong pagnanakaw.
Samantala, upang makamit at mapanatili ang kapayapaan at kaayusan sa bansa, patuloy ang PNP sa pagsiguro ng kaligtasan at kapayapaan ng bawat mamamayan.
