Arestado sa Leyte ang Top 9 Most Wanted Person ng Muntinlupa PNP na may kasong Rape sa joint operation ng mga otoridad nito lamang Miyerkules, Abril 20, 2022.
Kinilala ni Southern Police District Director, Police Brigadier General Jimili Macaraeg ang suspek na si Jayson Daloso Fabillo, 32, construction worker, at residente sa Muntinlupa City.
Ayon kay PBGen Macaraeg, bandang 7:30 ng umaga nahuli ang suspek sa Brgy. Milagrosa, Sta. Fe, Leyte, ng mga operatiba ng Muntinlupa City Police Station, Sta. Fe Municipal Police Station, at RIU NCR.
Naaresto si Fabillo sa bisa ng Warrant of Arrest sa kasong panggagahasa na walang inirekomendang piyansa.
“Magsisilbing babala ang pagkahuli kay Fabillo ng Muntinlupa City Police at Sta Fe MPS, na kahit saan ka man magtago ay gagawin ng pulisya ang lahat upang hulihin at panagutin kayo sa batas, kaya naman hinihikayat ko ang iba pa na sumuko na sa otoridad dahil hindi habang-buhay ay mapagtataguan ninyo ang batas,” ani PBGen Macaraeg.
Source: SPD PIO
###
Panulat ni PSSg Remelin M Gargantos
