Himas rehas ngayon ang isang wanted person na may kasong Rape sa operasyon ng Police Station 8, Cagayan de Oro City Police Office sa Barangay Tagpangi, Cagayan de Oro City nitong ika-11 ng Mayo 2024.
Kinilala ni Police Major Dennis B Flores, Station Commander ng Police Station 8, COCPO ang naarestong suspek na si alyas “Jomel”, 48, may asawa, at residente ng Tagpangi, Cagayan de Oro City.
Ayon kay PMaj Flores, naaresto din ang suspek sa bisa ng Warrant of Arrest sa kasong Rape na walang rekomendandong piyansa.
Sa pamamagitan ng walang humpay na operasyon ng Cagayan de Oro City PNP, mas paiigtingin pa nila ang kanilang pagganap sa tungkulin upang mapanagot ang mga tiwaling indibidwal na may pananagutan sa batas at masiguro ang seguridad ng mga mamamayan tungo sa Bagong Pilipinas.
Panulat ni Pat Baris
