Arestado ang isang 45 anyos na lalaking wanted sa kasong Frustrated Murder matapos magsagawa ng operasyon ang mga tauhan ng San Jose Del Monte City Police Station sa Barangay Muzon South, City of San Jose Del Monte, Bulacan nito lamang ika-13 ng Enero 2025.
Kinilala ni Police Colonel Star L Ediong, Provincial Director ng Bulacan Police Provincial Office, ang suspek na si alyas “Ariel”, may asawa, residente ng nasabing barangay.
Ang suspek ay inaresto sa bisa ng Warrant of Arrest sa kasong Frustrated Murder na may inirekomendang piyansa na Php200,000.
Patuloy ang PNP sa pagsiguro ng kaligtasan ng bawat mamamayan at katahimikan sa ating bayan.
Panulat ni Pat Maurene A Kiaki
