Arestado ng Sto. Tomas Municipal Police Station ang isang lalaking wanted sa kasong Estafa sa Barangay Sto. Niño, Sto. Tomas, Pangasinan nito lamang Miyerkules, Hulyo 31, 2024.
Kinilala ni Police Captain Benito P Peralta, Officer-In-Charge ng Sto. Tomas Municipal Police Station, ang suspek na si “Noel”, 30 anyos, isang tricycle driver at residente ng nasabing barangay.
Ayon kay Police Captain Peralta, naaresto ang suspek bandang 2:25 ng hapon sa bisa ng Warrant of Arrest sa kasong Estafa at may piyansang Php18,000.
Nanindigan naman ang pulisya na kanilang patuloy na paiigtingin ang kanilang mga operasyon at kampanya laban sa kriminalidad upang panatilihing tahimik at payapa ang bansa.
Source: Sto Tomas MPS
