Para sa kaalaman ng publiko ang pagpapalabas ng wanted posters ni Pastor Apollo Quiboloy at mga kasamahan nito, ito ang naging pahayag sa press briefing ni Police Brigadier General Roderick Augustus Alba, Spokesperson ng STG Teknon Alpha nito lamang Agosto 31, 2024.
Ito ay kasunod sa nangyaring pagpalag ng ilang miyembro ng KOJC sa pagpapaskil ng mga wanted posters ng mga awtoridad sa harap ng bakuran ng KOJC Compound.
Ayon kay PBGen Alba, aalisin ang mga naturang posters sa bakuran ng KOJC Compound pero nanindigan na ito ang mandato ng PNP na maghanap ng paraan upang makita at malaman ng publiko.
“The purpose of posting posters of wanted person in authorize place, and that is for awareness purposes. Para aware ang mga tao na may individuals tayong hinahanap at may mga information na kelangan natin para mahuli natin siya because the objective always of the police is bring them to court immediately upon arrest,” dagdag pa ni PBGen Alba.
