Pangasinan – Timbog ang isang wanted person sa mga operatiba ng Rosales PNP sa Brgy. Toketec, Tayug, Pangasinan nito lamang Sabado, ika-22 ng Abril 2023.
Kinilala ni Police Major Felimon Oligo, Jr., Acting Chief of Police ng Rosales PNP, ang suspek na si Mardy Malicdem y Corpuz, 45, at residente ng Brgy. Carmen East, Rosales, Pangasinan.
Ayon kay Police Major Oligo Jr., naaresto ang suspek bandang 8:39 ng umaga sa bisa ng Warrant of Arrest.
Nahaharap ang suspek sa kasong Frustrated Murder na may rekomendadong piyansa na Php200,000.
Ang operasyon ng Rosales PNP ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Panulat ni: Pat. Viljon Anthony A. Comilang
Source: Rosales Municipal Police Station
