Naaresto ang isang wanted person sa kasong paglabag sa Republic Act 9165 nito lamang ika-24 ng Pebrero 2025 sa Barangay Tipanoy, Iligan City.
Kinilala ni Police Captain Michael Angelo C Roldan, Station Commander, Iligan City Police Station 4, ang suspek na si alyas “Zyki”, 18, walang trabaho at residente ng Barangay Tambacan, Iligan City.
Naaresto ang suspek sa bisa ng Warrant of Arrest sa kasong paglabag sa Sections 12 at 15 ng RA 9165 na may rekomendadong piyansa.
Mahaharap ang suspek sa kasong paglabag sa RA 9165 o Dangerous Drugs Act of 2002.
Patuloy ang PNP sa pagsisikap na hulihin ang mga may sala sa batas at tiyakin ang kaligtasan ng mamamayan sa pamamagitan ng mahigpit na pagpapatupad sa batas.
