Arestado ng pulisya ang isang lalaking Wanted Person na may kasong paglabag sa Republic Act 7610 sa Barangay Betaug, Daram, Samar nito lamang ika-04 ng Marso 2025.
Kinilala ni Police Major Rio M Tan, Officer-In-Charge ng Daram Municipal Police Station, ang suspek na si alyas “Dennis”, 41 anyos at residente ng Barangay Betaug, Daram, Samar.
Bandang 11:20 ng tanghali nang maaresto ang suspek ng mga tauhan ng Daram Municipal Police Station sa bisa ng Warrant of Arrest para sa kasong paglabag sa Section 5 ng Republic Act 7610 o “Special Protection of Children Against Abuse, Exploitation and Discrimination Act” na may inirekomendang piyansa na Php120,000 para sa pansamantalang kalayaan.
Ang matagumpay na pagkakaaresto sa suspek ay patunay lamang na epektibo ang pagpapatupad ng Pambansang Pulisya sa kanilang sinumpaang tungkulin upang mapanatili ang ligtas at maunlad na Bagong Pilipinas.
Panulat ni Patrolwoman Ma. Elena B Singian
