Urdaneta, Pangasinan – Arestado ng PNP ang isang wanted person sa paglabag sa RA 11199 nitong Sabado, ika-16 ng Hulyo 2022.
Kinilala ni Police Lieutenant Colonel Benson D. Pimentel, Officer-in-Charge ng Urdaneta City Police Station, ang suspek na si Mary Rose Paulino y Gidoc, 31, residente ng Merry Land Homes Subdivision, Purok 14, Lower Cypril, Baguio City.
Ayon kay PLtCol Pimentel, naaresto ang suspek bandang 8:40 ng gabi sa Center Mall, Brgy. Magsaysay, Baguio City ng mga operatiba ng Urdaneta City Police Station at Station 8, Baguio City Police Office.
Ayon pa kay PLtCol Pimentel, naaresto ang suspek sa bisa ng Warrant of Arrest sa paglabag sa RA 11199 o Social Security Act of 2019 o mas kilala bilang SSS Law.
Ang pagkaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Urdaneta City PS
###
Panulat ni PSSg Bader Ceasar Ayco
