Davao City – Arestado ang isang indibidwal sa patuloy na isinagawang Manhunt Charlie operation ng mga tauhan ng Los Amigos PNP sa Brgy. Biao Guianga, Tugbok District, Davao City nito lamang Oktubre 25, 2023.
Kinilala ni Police Major Marc Hedssel Culaste, Acting Station Commander ng Los Amigos Police Station, ang suspek na si alyas “Jerry”, residente ng nasabing lugar.
Inaresto ang suspek sa bisa ng Warrant of Arrest sa kasong paglabag sa Republic Act 9262 o Violence Against Women and their Children Act na may Criminal Case No. R-DVO- 23-03258-CR.
Hindi naman titigil ang Police Regional Office 11 sa pagpapanatili ng kaayusan at kapayapaan at hulihin ang lahat ng may sala sa batas upang makamtan ang kaunlaran.
Panulat ni Patrolman Alfred Vergara
