Esperanza, Agusan del Sur – Kalaboso ang Wanted Person sa kasong Statutory Rape sa ikinasang operasyon ng Esperanza PNP nito lamang Huwebes, Mayo 19, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang naarestong suspek na si Adriano Polistico Guinar, 46, may asawa, residente ng Purok-2, Brgy. Maasin, Esperanza, Agusan del Sur.
Ayon kay PCol Canlapan, naaresto ang suspek bandang 9:50 ng umaga sa Purok 9, Brgy. Poblacion, Esperanza, Agusan del Sur ng mga tauhan ng Esperanza Municipal Police Station sa bisa ng Warrant of Arrest sa kasong Statutory Rape na walang inirekomendang piyansa.
Ang Pambansang Pulisya ay patuloy na huhulihin ang mga taong may pananagutan sa batas at ilagay sa likod ng rehas.
###
Panulat ni Patrolman Romulus Villalon/RPCADU 13
