Zamboanga City – Arestado ang wanted person sa isinagawang Manhunt Charlie sa kasong Statutory Rape ng Zamboanga PNP nito lamang Huwebes, Mayo 5, 2022.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si Esmeraldo Dela Merced y Ramos alyas “Bado”, 88, biyudo, magsasaka, residente ng Brgy. Langon, Upper Tungawan, Zamboanga Sibugay.
Ayon kay PCol Lorenzo, bandang 1:00 ng hapon ng maaresto si Ramos sa naturang lugar ng mga operatiba ng Zamboanga City Police Station 1 sa bisa ng Warrant of Arrest Para sa kasong Sexual Assault na may rekomendadong piyansa na Php200,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
