Agoo, La Union – Arestado ng PNP ang isang Wanted Person na may kasong rape sa Brgy. Sta. Barbara, Agoo, La Union nitong Ika-19 ng Agosto 2022.
Kinilala ni Police Major Norwen Abelida, Officer-In-Charge ng Agoo Police Station, ang suspek na si Angelo Cortez, 37, residente ng Brgy. Balwarte, Agoo, La Union.
Ayon kay PMaj. Abelida, naaresto ang suspek bandang 1:10 ng hapon ng pinagsanib na pwersa ng mga tauhan ng Agoo Police Station, La Union Provincial Intelligence Unit, La Union Provincial Drugs Enforcement Unit, 2nd La Union Provincial Mobile Force Company at Regional Intelligence Division ng Police Regional Office 1 kasama ang Quirino Police Station ng Isabela Police Provincial Office, Police Regional Office 2.
Ayon pa kay PMaj. Abelida, naaresto ang suspek sa bisa ng Alias Warrant of Arrest sa kasong rape na kung saan walang inirekomendang piyansa.
Ang pagkakaaresto sa suspek ay tanda ng epektibong pagganap ng mga miyembro ng pulisya ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Agoo PS
###
Panulat ni PSSg Bader Ceasar Ayco
